Casey Affleck (gañador do Oscar por Manchester fronte ao mar) dirixe e protagoniza esta tenra historia que conta a relación entre un pai e unha filla que percorren un mundo no que as mulleres case desapareceron. Anna Pniowsky e Elisabeth Moss (O conto da criada) completan o elenco desta historia paterno-filial de ultraprotección mais tamén sobre a difícil tarefa de educar e ensinar a vivir aos fillos para que un día podan voar sós.